Nan kontèks sa a, libète kondisyonèl se yon kalite pèmisyon ke Depatman Sekirite Entèn Etazini (DHS) ka ba ou lè ou mande pou yo pèmèt ou antre Ozetazini. Li pèmèt ou rete isit la pou yon peryòd tan, epi li pèmèt ou tou aplike pou yon pèmi travay.

DHS ap voye mesaj bay kèk moun ki te jwenn libète sou kondisyon pou antre Ozetazini, pou mete fen nan libète sou kondisyon yo epi di yo pou yo kite peyi Etazini imedyatman. Men yon mesaj tipik:

Pou kèk kalite libète kondisyonèl, tankou pou moun ki soti Kiba, Ayiti, Nikaragwa, oswa Venezyela, yon desizyon tribinal ki bloke revokasyon libète kondisyonèl la vle di ke avi revokasyon DHS la pa aplike. Ou ka jwenn plis enfòmasyon sou eta ka tribinal sa a. isit la.

Epitou, fason DHS ap eseye mete fen nan libète kondisyonèl endividyèl la ka pa kòrèk, kidonk ka gen fason pou konteste avi revokasyon endividyèl yo.

Avi a ka pa vrèman aplike pou ou, si ou te aplike pou sèten benefis imigrasyon oswa si la yon lòd tribinal ki bloke revokasyon an.  

Si ou te aplike pou azil, ou gen dwa rete isit la epi kontinye pouswiv demann azil ou a.

Si ou te aplike pou Estati Pwoteksyon Tanporè (TPS) epi kounye a aplikasyon w lan toujou annatant, ou ka rete isit la pandan aplikasyon TPS ou a annatant. Sepandan, otorite imigrasyon yo ka toujou eseye depòte w paske yo poko ba w TPS.

Si ou yo apwouve pou TPS, you ou gen dwa rete isit la pandan w gen TPS la.  

Si ou gen yon pèmi travay ki baze sou libète kondisyonèl, kategori ki sou devan kat la ap di C11. Yon fwa libète kondisyonèl ou a fini, pèmi travay ou a fini tou, menm si dat ekspirasyon an ka toujou montre yon dat nan lavni.

Men, tribinal la te bloke revokasyon kèk kalite libète kondisyonèl, kidonk nan ka sa yo, pèmi travay yo toujou valab pou itilize.

Si ou te antre Ozetazini avèk libète sou kondisyon, epi DHS te mete fen nan libète sou kondisyon ou an, epi si ou te antre Ozetazini mwens ke 2 zan de sa, DHS ka eseye depòte ou atravè yon pwosesis rapid yo rele "ekspilsyon akselere".

Ajans DHS ki responsab deportasyon yo se Imigrasyon ak Ladwàn (ICE). Si w pè viv nan peyi w, asire w ou di ICE sa, si w gen yon rankont ak yo. Sa a patikilyèman enpòtan pou w fè si w ap fè fas ak "ekspilsyon rapid".

Sa k ap pase si ou gen yon rankont ak ICE a depann de sitiyasyon patikilye ou a. Pou aprann plis sou dwa ou an jeneral si ou gen yon rankont ak ICE, gade paj nou an. Fèy enfòmasyon sou Rankont ICE yo.

Resous sa a te tradui epi li disponib pou telechaje nan kreyòl ayisyen ak Panyòl.

Enfòmasyon ki nan dokiman sa a te prepare pa Legal Aid Society pou rezon enfòmasyon sèlman epi yo pa konsèy legal. Enfòmasyon sa a pa fèt pou kreye, epi resevwa li pa konstitye, yon relasyon avoka-kliyan. Ou pa ta dwe aji sou okenn enfòmasyon san w pa kenbe yon konsèy legal pwofesyonèl.