Kontakte bank ou imedyatman pou rapòte tranzaksyon san otorizasyon ki pwovoke pa fwod. Mande yo pou anile tranzaksyon an epi ba ou lajan bank ou.
Asire w ou itilize enfòmasyon kontak bank ou a ki sou deklarasyon kont ou yo oubyen sou do yon kat kredi (oubyen debi), epi non pa yon bagay ou te resevwa nan men moun ki twonpe w la!
Pa egzanp, eskro yo kapab rele telefòn selilè w epi fè moun k ap rele a di non yon bank lejitim epi mande enfòmasyon sou kont ou pou di yo detekte fwod sou kont ou. Bank yo prèske pa janm rele w si yo detekte fwod; anjeneral, yo bloke kat la oswa kont lan epi tann ou rele yo.
Si sa rive w, yon moun rele w k ap di se yon bank yo ye epi yo detekte fwod, ou ta dwe di moun nan ou pral rakwoche epi rele nimewo telefòn bank lan ki sou yon deklarasyon kont oswa do kat kredi/debi w la.
Voye yon lèt pou bank ou a. Nan lèt la, asire w ou mete ladan l:
- Non ou,
- enfòmasyon sou kont lan,
- yon lis tranzaksyon ki pa te otorize,
- yon ti deklarasyon ki di ou pa t otorize tranzaksyon sa yo.
Kenbe yon kopi lèt ou a ak prèv ki montre ou te voye l pa lapòs, tankou yon lèt anrejistre oswa sètifye.
Èske ou te deja resevwa yon kontra ak yon avi ki di ou gen dwa anile l? Si wi, swiv enstriksyon sa yo pou anile l pi vit posib epi kenbe dosye ki montre ou te fè sa. Si non, pa kontakte moun ki te fè eskro a pou okenn rezon.